ريفيو : كولور بوب | | Review : Color Pop Makeup

بسم الله الرحمن الرحيم 

صبـاح / مسـاء . . الخير ،
اتمنى تكونون بـ تمام الصحه و العافيه . .

، 

 من فتره طلبت ميك اب " كولور بوب " تأخر شوي لين وصلني تقريبا اسبوع او اكثر شوي 

وايد كنت متحمسه اجربهم و صدق عجيبين بمعنى الكلمه و اكيد برجع اطلب منهم 

اسعارهم رخيصه جدا و جودتهم عاليه انا عن نفسي حبيت وايد هالماركه و باخذ منهم اشياء ثانيه 

اول شي قررت اطلبه الشدوات لانه عليهم مدح مش طبيعي

خذت شدوين كلهم بقمنتد يعني جودتهم صراحه وايد حلوه على انهم رخاص 

و الوانهم روعه و واضحه هالاثنين بلمعة الميتاليك و ملمسهم ماعرف اوصفه صراحه ناعم تحسينه كريمي بس هو مب كريمي  

حسافه بس خذت لونين طلعوا فضييعين انا خذت اثنين علشان اجربهم 
اول لون اسمه Lovely و نوعيته metallic في كذا نوع للشدوات وهذا مثل ماقلت لكم ميتاليك لمعته 

عجيييبه بس للاسف ماوضح فالتصوير حاولت كذا مره اوضحه بس مابين

ثاني لون خذيته اسمه Hammered و نفس النوع الاول ميتاليك بعد لمعته واايد حلوه بس للاسف مب 

مبين فالتصوير 

\\

الارواج بعد من ضمن الاشياء اللي عندهم عليها مدح ماخذيت محددات :/ بس ارواج 
الشدوات و الارواج كل شي عندهم مقسمينه شرات ماك يعني كاتبين نوعيته ( مات ، ساتين ، ميتاليك . . إلخ )
هالشي وايد حلو انهم موضحين خذت لونين مات و ولون واحد ساتين 

نوعية الارواج المطفيه عندهم ماتعطي هذا المات اللي ينشف الشفايف و يشققها 

 شوفوا الجمال 

اسم اللون مع النوعيه كتبتهم على الصور 

\\

البلشر كان توه نازل فالموقع فخذيت واحد بس لانه ماكنت شايفه عليه ريفيوات

البلششر وايد حلو و لونه صيفي و مات (مطفي ) تقدرين تتحكمين بلونه تبينه قوي او خفيف 

كل الارواج و الشدوات بـ 5$ اما البلشرات اتوقع 8$ جيكوا عليهم فالموقع 
هذا رابط الموقع للي حابين يطلبون 
https://colourpop.com

. . .

وبس هذا كان كل شي فالاخير لاتنسون تسعدوني بالاشتراك فالمدونه عن طريق ( المتابعون ) على يمين الصفحه

عن طريقه الضغط على انضمام لهذا الموقع . .

 اذا عندكم اي استفسار تقدرون تتواصلون وياي عن طريق الايميل او الاسك او كتبولي كومنت اهني او الانستغرام 

Leave a Comment Makeup